La storia de l’Uselin e La leggenda della principessa Ceresina e del suo amante Ceresone - 5° Scena
5° Scena
Sissi: Ma la storia xea finia cossita?
Franco: No, ‘desso ‘riva el beo: Lino e Nadia, voaltri du ‘desso fe la parte dei servi del casteo! Aeora… ve xò dal palco e fè come se vegnessi da lontan…
Mugnaio: (Rivolto al pubblico e a Sissi) Dunque, mi, che son el munaro, son ‘rivà al Castearo con el me careto de farina tarocà che ghe jera ‘na confusion che no’ ve digo! Stava ‘rivando i amissi del signore, pa’ ‘a festa, se go ben capio, … pae nosse dea fioea pì pìcoea con che l’orco del principe Ezelin da Romano, queo che dovea sposare ‘a Ceresina
Sorella maggiore: Eco qua, ‘desso vedo, ea xè el vostro tesoro , ea ga da aver marìo. E mi baearò scalsa el dì dee so nosse e ‘ndarò anca a l’inferno…!
Mugnaio: Go fato anca fadiga a girare cavaeo e careto, parchè la corte la jera tuta piena de carosse e cavai.Apena discargà i sachi, so’ ripartio suito, come che me gaveva dito Anselmo, … no’ vedea l’ora de liberarme da tuta chea marea de gente, ma ‘desso che so' rivà casa no’ me sento par gnente tranquio, anca s’el debito i me ‘o ga canceà, … a go 'na strana sensassion, ... quasi de paura …
(a casa del mugnaio arrivano trafelati ed ansimanti due servi del Signore del Castellaro)
Primo servo:(di corsa e gridando) Milcare, … Milcare, … che disastro! ... che disastro!
Mugnaio: Cossa ghe xè de novo?
Secondo servo: El Castearo! ... El Castearo!
Primo servo: Che disastro … Che disastro! (uscendo lentamente uno alla volta ci si nasconde dietro le quinte man mano che si svolge il racconto dei servi. Rimane solo Franco) (via Mara)
Mugnaio: No’ riesso a capire, … ve go portà ‘a farina poco fa … me gavì jutà a discargarla … Ghe jera, xè vero, ‘na gran confusion … ma contème … cossa ghe xè de novo?
Secondo servo: El casteo… xè sprofondà! ... El xè croeà , fasendo on massèo ... nissuni se xè salvà!
Primo servo: Noaltri semo scapà …‘pena in tempo …
Secondo servo: Se ghemo salvà … (primo e secondo servo all'unisono) par miracoeo! ... par mi-ra-co-eo! (via Sofia)
Mugnaio: Vuio contarme, con calma, queo che xè sucesso?!
Primo servo: Gavemo verto i sachi de farina, quei che ti, Milcare, te ne gavevi ‘pena portà, e li gavemo versà nea impastatrice …
Secondo servo: (andando lentamente verso l'altra parte del palco) La farina, a dire ‘a verità, la jera on po’ pesante … la sembrava fata coi sassi!
Primo servo: Ghe gavemo xontà el lievito, el mejo che gavemo, queo che fermenta suito, parchè gavivimo pressa de mètare el pan nel forno… (viaGiuseppe)
Secondo servo: Gavemo xontà l’aqua dea nova risorgiva, quea che tuti ciama la “Ceresina” e, visto che no’ la jera bastansa, gavemo ‘doparà anca quea che jerimo ‘ndà tore al fontanon ciamà “Ceresone”… che de soito servimo in toea…
Primo servo: La pasta ga scomissià a levare che jera ‘na maraveja!
Secondo servo: Come mai visto prima! (via Giuliano)
Primo servo: … ma dopo la se ga messo anca a bojire, e a scoredare…
Secondo servo: … mandando sbiansi bianchi anca sui muri…
Primo servo: … e smerdando parfin el sofito … Noaltri suito se semo missi a ridere … (Tutti ridono mettendo fuori la testa dalle quinte) (via Sissi)
Secondo servo: … ma dopo gavemo ciapà paura, parchè la pasta la jera sì bianca co fa ‘a late, ma fissa e de bojo come ‘a poenta…
Primo servo: E la continuva a cressare e a gunfiarse, sensa pì fermarse.
Secondo servo: Alora gavemo xontà altra aqua, parchè vuìimo tentare de rafredarla.
Primo servo: Tuto inutie! (via Antonella)
Secondo servo: Quando che la stava pa’ impienare ‘a stansa, semo scapà fora e gavemo sarà ben ‘a porta…
Primo servo: Gavivimo xà superà el ponte levatoio e se semo voltai indrio…(restano d’ora in poi rivolti verso il pubblico)
Secondo servo:… giusto in tempo par vedare la cusina cascare, (via Franco) nel saeon de soto, … indove che jera xà sentà i ospiti a toea…
Primo servo: Dopo xè croeà anca i muri esterni del casteo!...
Secondo servo: L’aqua che jera dentro el fossato la xè prima saltà fora, … e dopo la xè tornà indrio, … come on’onda gigante, … e la ga spianà tuto queo che la ga catà!
Servi: No xè restà in pie gnente. Gnente! ... Gnen-te!!
Servi: Ma ‘ndove sii ‘ndà tuti i altri?! Tusi, vignì fora, dai…! (entrambi salgono sul palco e cercano gli altri dietro le quinte) (Franco e Sissiritornano in scena)
Sissi: Alora xea finia cussì ‘a storia?
Franco: La xè finia cussì ... Ma ti dime pitosto … te gaea piasso?
Sissi: Sì.
Franco: Vuto che te ’a contemo da novo?
Tutti: (uscendo dalle quinte)NOOO!!
Franco: ...Aeora baemo ...
Ballo - Catena inglese - Alla fine saluti alla platea
