La storia de l’Uselin e La leggenda della principessa Ceresina e del suo amante Ceresone - 4° Scena
4° Scena
Mugnaio: Anselmo, xè ‘na setimana che no’ so’ pì bon de dormire e, se par caso me capita de ciapar sono, fasso sempre el stesso bruto sogno!
Anselmo:(rivolto al pubblico)
El ghè po’ le erbette, che le ga’ na’ vertu bela:
le fa taser la vaca de to’ sorela,e le fa nar via la forforela!
E a chi ga’ la smelza dura, se vecio o pur criatura,
se i ne magna na’ piana, dit-fatt i s’arsana,….
ma se i s’ impiena la panza, la i far cagar,
parchè la ga’ sta’ usansa!
... (Uhhhhhhh … respiro) … Io go’ capìo, Amilcare, … disgrassia te xe rivà … Ahh!
Mugnaio: Come se no bastasse quea … pensa … go perso anca el lavoro: màseno soeo chel poco de formento che i mesadri riesse a fregarghe al signore del Castearo … ma ‘desso ghe xè de pèso …
Anselmo: Ahhhh … Ihhhh … Io go’ capìo … Dea fame ... Cossa ghè xè de pèso?
Mugnaio: Il signore del Castearo me ga ordinà de pagare on vecio debito … A dire el vero, mi gavevo da darghe, quando ch’el me ga licensià, on careto colmo de farina … ma ‘desso no’go pi gnente … gnanca meso saco de formento … anca se spassasse fin sui cantuni del muin … E se non consegno tutto prima dea grande festa …
Anselmo: Hiiii … Te tajare testa … Ohh!
Mugnaio: Nel folio che i me ga dà, a dire ‘a verità, i parla de … impicagion!
Anselmo: Noooooo, Amilcare … Io capire bene … 'na s-cianta famme pensare … Ahhhh … Vedere mi … se podere trovare 'na soussiòn … Ehhh …
Mugnaio: Dove lo trovo mi on careto de farina, se so’ sensa formento e … sensa paeanche?!
Anselmo: Io ghè sarìa 'na soussiòn … Ma la xè difficie … Mahh … Ehhh ...
Par mi essere ris-ciosa, la xè ris-ciosa, dirìa ansi mejo … tanto ris-ciosa
Fare io pensare …! Bisogna farla …!
Mugnaio: Anselmo, mi so’ disposto a tuto, pur de pagare el me debito!
Anselmo: E po’ scoltare mi ben … vardare mi … Antonella fame da assistente… (lei si mette il mantello)E se ti fare come dire mi… essere sicuro .... Ti scapare da to’ digrassie!...Vardare mi e scoltare mi: ti nare riva Brenta, nea cava …. E ti tirare fora sassi cotti… te raccomandare…(Antonella estrae i sassi da un sacchetto di juta…)Stare tento … tanta attension … tirare fora quei pì bianchi … Quei pì ciari … Sassi fare miracoi … i xè miracolosi … fare miracoi da partuto …Io dire se tu bagnare i sassi cominsiare a bòjare, bòjare, bòjare, (in crescendo!) … i fa on bojaroto (Antonella li versa tutti) … e on gran caeòre (dietro le quinte si produce fumo con ghiaccio secco) E buona a sapere parchè diventare “crema” cofà a panna … diventare …. bianca cofà la late … la calce o la calsina … Come dire vualtri …! I sìori dei castei i y a fa impastare còea sabia e deventare malta par tacare le prìe … e i prioti … dee so case robuste! Ohhh … Ancora mì dire … Ehhh … Cìapare sti sassi … e spacare con massetta … E dopo masenare nel muin come fare par el formento … E dopo cìapare polvare così fata … e metare in tei sacchi … come farina bianca… E portare suito al castèo … E fa la faccia da tonto … da semo … da mona come che te voi …Ahhh … Desmetegare mi … Uhhh … Prima te sarare i sachi … zontare na’ preseta de sta polvareta … e po' cìapare tutto sachètéo … te regaeare!…Te fare mi ultima raccomadasion … non fermare te dopo consegnare sachi gnanca on minuto … par carità … gnanca el tempo te fare na’ pissada! Pissare te dosso ... pittosto! GHETTO CAPISSITO … O pissare dopo!
Mugnaio: ... Ma, Anselmo, … dopo i si n’acorxe che i go imbrojà …!
Anselmo: Non te paura avere! …Ti sercare de arrivare al castèo all’ultimo momento… quando essere gran casin ... e tuti essere impegnai par la festa ... Ahhhhhh … e poi te scàpare via! GHETO CAPISSITO!
Mugnaio: Che Dio me ‘a manda bona!
Anselmo: Ahhhhhhh… E che el Diavoeo te portare!
E che diroi dea fava, ch’agno donna gh’è fura …
a le so’ teghe fresche par natura?
E chi che gà la gotta … pettarghela su cotta …
la ghe cava el doeore … in manco de do’ ore!
E po’ la desfià a i grami le baeotte …
Se ghè à pettè su in t’una notte
Buio - Cambio luce - Video rovine del Castellaro
